Sacrosanctę Dei ęcclesię Cluniensi in honore beatorum apostolorum Petri et Pauli dicatę, quam donnus abba Maiolus ad regendum habere videtur. Ego, in Dei nomine, Eldeburgis, pro remedio animę meę et senioris mei Rotlanni et omnium parentum meorum, dono unum campum situm in pago Matisconensi, in agro Fusciacense, in villa Poliaco, qui terminatur a mane terra Rocleni et Bernanę et Bovonis cum suis heris, a meridie Sancti Juliani, a sero Dadonis et Tetuisę et bosco, a certio via publica. Et in alio loco campum alium ubi a Moyson dicitur, qui terminatur a mane terra Sancti Vincentii, a meridie Sancti Petri, a sero Graona volvente, a cirtio terra Sancti Quintini. Infra istos terminos, totum cum omni integritate dono ad ipsam casam Dei; et faciant ipsius loci rectores quicquid voluerint. Si quis fuerit, qui contradixerit, auri libras IIII componat, et inantea firma et stabilis hęc carta permaneat, stipulatione subnixa. S. Eldeburgis, quę fieri et firmare rogavit. S. Ayę, quę consensit. S. Constantini. S. Teurici. S. Amalgerii. S. Rotberti. S. Ugonis. S. Bernardi. S. Adroldi. S. Anschirici. S. Deodati. Data per manum Bernardi, presbiteri, feria IIII, mense julii, anno XXVI Lotharii regis.